کتێبی چوارەم...چەپ و مۆدێرنە...

ئەم كتێبە لەلایەن ناوەندی ڕۆشنبیریی ڕەهەندەوە چاپ و بڵاوكراوەتەوە و كتێبەكە تایبەت بە ورووژاندنی پرسی مۆدێرنە(مۆدێرنیتی). مۆدێرنە بابەتێكی فیكری و مێژوویی چارەنووسسازە و هەر ڕۆشنبیرییەكی كۆمەڵگا جیاجیاكان بەبێ وەستان لەسەر ئەم پرسە ناتوانێت وەڵامی زۆر پرسی تریش بداتەوە. مۆدێرنە شتێكی حەتمییە و ڕوویداوە، بەڵام كۆمەڵگای ئێمە كەوتۆتە كوێی ئەو پرسەوە و بەر لەوەش مۆدێرنە خۆی چ جۆرە گۆران و دابڕانێك بوو؟ لەم كتێبەدا، كە بەرگی چوارەمی زنجیرە كتێبی سەرەكیی نێگەتیڤە، لەڕێگەی نوسین و وەرگێڕانەوە سەرەتایەكی تیۆری بۆ باسەكە كراوەتەوە.